gham de ke apna phir koi bahla gaya hai dil

ġham de ke apnā phir koī bahlā gayā hai dil

kyā baat thī ki dil ko jo samjhā gayā hai dil

bātoñ meñ phir kisī kī mirā aa gayā hai dil

kitnā baḌā fareb magar khā gayā hai dil

un kī adā-e-ḳhās pe kyā aa gayā hai dil

ḳhud jalva-e-jamāl ko taḌpā gayā hai dil

ḳhalvat-nashīñ hai koī ba-sad-husn-e-ehtiyāt

yā shauq-e-ārzū se basāyā gayā hai dil

ye kyā maqām-e-ġham hai na jaane ki in dinoñ

aksar tire ḳhayāl se ghabrā gayā hai dil

ġham se bhī be-niyāz ḳhushī se bhī be-niyāz

kyā kushtagān-e-ġham kā banāyā gayā hai dil

ab intihā-e-dard-e-mohabbat hai zindagī

un ke ḳhayāl-e-shauq pe kyā chhā gayā hai dil

terī jafā ne hausla-e-ġham baḌhā diyā

zulm-o-sitam se dād-e-vafā pā gayā hai dil

vo yaad ban ga.ī hai mirī ġham-gusār-e-shauq

jab bhī ġham-e-hayāt se uktā gayā hai dil

kyoñ ho gayā hai 'ālam-e-imkāñ udaas udaas

'aḳhtar' kabhī malūl jo paayā gayā hai dil

gham de ke apna phir koi bahla gaya hai dil

kya baat thi ki dil ko jo samjha gaya hai dil

baaton mein phir kisi ki mera aa gaya hai dil

kitna baDa fareb magar kha gaya hai dil

un ki ada-e-KHas pe kya aa gaya hai dil

KHud jalwa-e-jamal ko taDpa gaya hai dil

KHalwat-nashin hai koi ba-sad-husn-e-ehtiyat

ya shauq-e-arzu se basaya gaya hai dil

ye kya maqam-e-gham hai na jaane ki in dinon

aksar tere KHayal se ghabra gaya hai dil

gham se bhi be-niyaz KHushi se bhi be-niyaz

kya kushtagan-e-gham ka banaya gaya hai dil

ab intiha-e-dard-e-mohabbat hai zindagi

un ke KHayal-e-shauq pe kya chha gaya hai dil

teri jafa ne hausla-e-gham baDha diya

zulm-o-sitam se dad-e-wafa pa gaya hai dil

wo yaad ban gai hai meri gham-gusar-e-shauq

jab bhi gham-e-hayat se ukta gaya hai dil

kyon ho gaya hai 'alam-e-imkan udas udas

'aKHtar' kabhi malul jo paya gaya hai dil