gham-e-dost ko aasaish-e-duniya se gharaz kya

ġham-e-dost ko āsā.ish-e-duniyā se ġharaz kyā

bīmār-e-mohabbat ko masīhā se ġharaz kyā

sar-tā-ba-qadam banda-e-taslīm-o-razā huuñ

mujh āshiq-e-sādiq ko tamannā se ġharaz kyā

kūcha hai tirā aur hai din-rāt kā chakkar

vahshī ko tire gulshan-o-sahrā se ġharaz kyā

vā'da na karo jalva-e-dīdār dikhāo

imroz ke mushtāq ko fardā se ġharaz kyā

tum baaġh meñ jaate ho to gul khilte haiñ kyā kyā

phūloñ ko tumhāre ruḳh-e-zebā se ġharaz kyā

'aql itnī kahāñ hai ki jo anjām ko soche

duniyā ke talabgār ko 'uqbā se ġharaz kyā

ahbāb haiñ mai-ḳhāna hai pahlū meñ hai mā'shūq

ab hazrat-e-'shankar' ko tamannā se ġharaz kyā

gham-e-dost ko aasaish-e-duniya se gharaz kya

bimar-e-mohabbat ko masiha se gharaz kya

sar-ta-ba-qadam banda-e-taslim-o-raza hun

mujh aashiq-e-sadiq ko tamanna se gharaz kya

kucha hai tera aur hai din-raat ka chakkar

wahshi ko tere gulshan-o-sahra se gharaz kya

wa'da na karo jalwa-e-didar dikhao

imroz ke mushtaq ko farda se gharaz kya

tum bagh mein jate ho to gul khilte hain kya kya

phulon ko tumhaare ruKH-e-zeba se gharaz kya

'aql itni kahan hai ki jo anjam ko soche

duniya ke talabgar ko 'uqba se gharaz kya

ahbab hain mai-KHana hai pahlu mein hai ma'shuq

ab hazrat-e-'shankar' ko tamanna se gharaz kya