gham-e-firaq mein jaan se guzar gae hote

ġham-e-firāq meñ jaañ se guzar ga.e hote

tirā ḳhayāl na hotā to mar ga.e hote

sila diyā na vafā kā bajā kiyā varna

ham aap apne hī dil se utar ga.e hote

tavīl hotā agar aur zindagī kā safar

ġham-e-hayāt ke maare kidhar ga.e hote

shikast-e-jāñ kā tamāshā hī dekhnā thā agar

zarā sī der mirī jaañ Thahar ga.e hote

zamāna itnā bhī nā-qadr-o-nā-shanās na thā

jo 'bazm' koī baḌā kaam kar ga.e hote

gham-e-firaq mein jaan se guzar gae hote

tera KHayal na hota to mar gae hote

sila diya na wafa ka baja kiya warna

hum aap apne hi dil se utar gae hote

tawil hota agar aur zindagi ka safar

gham-e-hayat ke mare kidhar gae hote

shikast-e-jaan ka tamasha hi dekhna tha agar

zara si der meri jaan Thahar gae hote

zamana itna bhi na-qadr-o-na-shanas na tha

jo 'bazm' koi baDa kaam kar gae hote