gham ki andheri rahon mein to tum bhi nahin kaam aao ho
gham ki andheri rahon mein to tum bhi nahin kaam aao ho
Shaukat Pardesi
MORE BYShaukat Pardesi
ġham kī añdherī rāhoñ meñ to tum bhī nahīñ kaam aao ho
kyuuñ be-kār karo ho hujjat aage baat baḌhāo ho
kyuuñ tham tham kar qadam rakho ho kyuuñ itnā ghabrāo ho
raat kā sannāTā hai maiñ huuñ tum kis se sharmāo ho
aao apne haath meñ le kar haath hamārā dekho to
ham ne sunā hai tum sab kī qismat kā haal batāo ho
pahle pahar jab aa na sake tum āḳhir-e-shab kī fikr hī kyā
ab to dil hī sulag uTThā hai ab kyuuñ diyā jalāo ho
ik dastūr sahī duniyā kā zaḳhmoñ par lafzoñ kā Dher
ai logo kuchh samjho bhī ho jo mujh ko samjhāo ho
shaam nahīñ Dhaltī kisī sūrat raat nahīñ kaTtī kisī taur
ab to bahut dil ghabrā.e hai ab to bahut yaad aao ho
haiñ ahbāb bhī ik sarmāya lekin ye bhī yaad rahe
utnī hī aañch lagegī 'shaukat' jitnā tez alaav ho
gham ki andheri rahon mein to tum bhi nahin kaam aao ho
kyun be-kar karo ho hujjat aage baat baDhao ho
kyun tham tham kar qadam rakho ho kyun itna ghabrao ho
raat ka sannaTa hai main hun tum kis se sharmao ho
aao apne hath mein le kar hath hamara dekho to
hum ne suna hai tum sab ki qismat ka haal batao ho
pahle pahar jab aa na sake tum aaKHir-e-shab ki fikr hi kya
ab to dil hi sulag uTTha hai ab kyun diya jalao ho
ek dastur sahi duniya ka zaKHmon par lafzon ka Dher
ai logo kuchh samjho bhi ho jo mujh ko samjhao ho
sham nahin Dhalti kisi surat raat nahin kaTti kisi taur
ab to bahut dil ghabrae hai ab to bahut yaad aao ho
hain ahbab bhi ek sarmaya lekin ye bhi yaad rahe
utni hi aanch lagegi 'shaukat' jitna tez alaw ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
