gham ki be-panahi mein dil ne hausla paya
Interesting Fact
January 1969
ġham kī be-panāhī meñ dil ne hausla paayā
tīrgī ke jañgal meñ chashma-e-ziyā paayā
āftāb kā paikar ban gayā badan apnā
raushnī meñ saa.e kā sehr TūTtā paayā
khul ga.ī jo aañkh apnī vaqt kī sadā sun kar
an-ginat jahānoñ kā dar khulā huā paayā
har qadam pe saath apne ḳhud ko dekhte haiñ ham
ham-safar koī apnā ab na dūsrā paayā
muddatoñ ke ba.ad un se is tarah mile haiñ ham
ajnabī koī jaise sūrat-āshnā paayā
gard meñ huā hai gum qāfila zamāne kā
āftāb ko apne saa.e meñ paḌā paayā
le uḌī 'nadīm' āḳhir zindagī kī tuġhyānī
ruuh ke samundar meñ jism Dūbtā paayā
gham ki be-panahi mein dil ne hausla paya
tirgi ke jangal mein chashma-e-ziya paya
aaftab ka paikar ban gaya badan apna
raushni mein sae ka sehr TuTta paya
khul gai jo aankh apni waqt ki sada sun kar
an-ginat jahanon ka dar khula hua paya
har qadam pe sath apne KHud ko dekhte hain hum
ham-safar koi apna ab na dusra paya
muddaton ke baad un se is tarah mile hain hum
ajnabi koi jaise surat-ashna paya
gard mein hua hai gum qafila zamane ka
aaftab ko apne sae mein paDa paya
le uDi 'nadim' aaKHir zindagi ki tughyani
ruh ke samundar mein jism Dubta paya
- Book : Shola-e-Khushboo (Pg. 123)
- Author : Salahuddin Nadeem
- Publication : Raheel Salahuddin (1984)
- Edition : 1984
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
