gham ki gahrai mein jis roz utar jaunga

ġham kī gahrā.ī meñ jis roz utar jā.uñgā

ban ke ḳhushbū maiñ zamāne meñ bikhar jā.uñgā

had se baḌh jā.egā jab mere junūñ kā 'ālam

sang māregā zamāna maiñ jidhar jā.uñgā

tū mujhe chhoḌ ke mat jaanā ġham-e-jānānāñ

tujh se bichhḌā to maiñ tanhā.ī meñ mar jā.uñgā

vaqt ke saath badal jā.egī sūraj kī tapish

vaqt kī dhuup meñ jal kar maiñ nikhar jā.uñgā

jin ke saa.e meñ sukūñ paa.eñ zamāne vaale

pyaar ke aise lagā ke maiñ shajar jā.uñgā

maiñ akelā na chalūñgā rah-e-ulfat meñ 'na'īm'

ġham mire saath chaleñge maiñ jidhar jā.uñgā

gham ki gahrai mein jis roz utar jaunga

ban ke KHushbu main zamane mein bikhar jaunga

had se baDh jaega jab mere junun ka 'alam

sang marega zamana main jidhar jaunga

tu mujhe chhoD ke mat jaana gham-e-jaananan

tujh se bichhDa to main tanhai mein mar jaunga

waqt ke sath badal jaegi suraj ki tapish

waqt ki dhup mein jal kar main nikhar jaunga

jin ke sae mein sukun paen zamane wale

pyar ke aise laga ke main shajar jaunga

main akela na chalunga rah-e-ulfat mein 'na'im'

gham mere sath chalenge main jidhar jaunga