gham ki sau bar choT khai hai

ġham kī sau baar choT khaa.ī hai

zindagī phir bhī muskurā.ī hai

aañkh bhar aa.ī dil pe choT lagī

jaane kyā baat yaad aa.ī hai

gul bhī sharmā.eñ un se aise meñ

kyā hī andāz-e-dil-rubā.ī hai

vo jo gulshan meñ aa.e maiñ samjhā

mast o ḳhandāñ bahār aa.ī hai

zahr-e-ġham khā ke maiñ to jī lūñgā

tum ne sūrat ye kyā banā.ī hai

daulat-e-ishq yuuñ nahīñ paa.ī

jaan de kar ye haath aa.ī hai

paañv aa kar junūñ ne thaam liye

jis jagah aql Dagmagā.ī hai

bañdh gayā hai tasavvur-e-jānāñ

ik ajab be-ḳhudī sī chhā.ī hai

sher kahte ho rāt-din 'āqil'

kyā tabī.at ye tum ne paa.ī hai

gham ki sau bar choT khai hai

zindagi phir bhi muskurai hai

aankh bhar aai dil pe choT lagi

jaane kya baat yaad aai hai

gul bhi sharmaen un se aise mein

kya hi andaz-e-dil-rubai hai

wo jo gulshan mein aae main samjha

mast o KHandan bahaar aai hai

zahr-e-gham kha ke main to ji lunga

tum ne surat ye kya banai hai

daulat-e-ishq yun nahin pai

jaan de kar ye hath aai hai

panw aa kar junun ne tham liye

jis jagah aql Dagmagai hai

bandh gaya hai tasawwur-e-jaanan

ek ajab be-KHudi si chhai hai

sher kahte ho raat-din 'aqil'

kya tabiat ye tum ne pai hai