gham kisi ka miTa kar to dekho

ġham kisī kā miTā kar to dekho

apne ġham ko bhulā kar to dekho

rang chehre kā zāhir karegā

rāz-e-ulfat chhupā kar to dekho

tum se saarā zamāna jalegā

nām-o-shohrat kamā kar to dekho

dost dushman kī pahchān hogī

dard apnā sunā kar to dekho

ik zarā muskurāhaT se apnī

ranjishoñ ko haTā kar to dekho

'aib auroñ ke ginñe se pahle

ḳhud se nazreñ milā kar to dekho

be-ḳhudī chiiz hotī hai kaisī

dil kisī par luTā kar to dekho

log kaise badalte haiñ 'monā'

koī rishta nibhā kar to dekho

gham kisi ka miTa kar to dekho

apne gham ko bhula kar to dekho

rang chehre ka zahir karega

raaz-e-ulfat chhupa kar to dekho

tum se sara zamana jalega

nam-o-shohrat kama kar to dekho

dost dushman ki pahchan hogi

dard apna suna kar to dekho

ek zara muskurahaT se apni

ranjishon ko haTa kar to dekho

'aib auron ke ginne se pahle

KHud se nazren mila kar to dekho

be-KHudi chiz hoti hai kaisi

dil kisi par luTa kar to dekho

log kaise badalte hain 'mona'

koi rishta nibha kar to dekho