gham ko parde mein masarrat ke chhupa deta hun main

ġham ko parde meñ masarrat ke chhupā detā huuñ maiñ

aañsū āñkhoñ meñ jab aa.e muskurā detā huuñ maiñ

zindagī kī rāhateñ kyā zindagī tak bhī nisār

yaad jab aate ho tum sab kuchh bhulā detā huuñ maiñ

haañ isī chup meñ jo be-ma.anī hai auroñ ke liye

kaam jis se hai use sab kuchh sunā detā huuñ maiñ

ronā aatā thā jab apne haal par vo din ga.e

ab to barbādī pe apnī muskurā detā huuñ maiñ

aa ga.ī ashkoñ meñ laalī hasratoñ ke ḳhuun kī

dil kī jo hālat hai āñkhoñ se dikhā detā huuñ maiñ

husn ke dāman pe aañch aane nahīñ detā kabhī

apne dil meñ sho.ala-e-ġham ko dabā detā huuñ maiñ

kaam kyā zinda-dilī kā mar chukā 'navvāb' dil

maut kī niiñd ārzūoñ ko sulā detā huuñ maiñ

gham ko parde mein masarrat ke chhupa deta hun main

aansu aankhon mein jab aae muskura deta hun main

zindagi ki rahaten kya zindagi tak bhi nisar

yaad jab aate ho tum sab kuchh bhula deta hun main

han isi chup mein jo be-mani hai auron ke liye

kaam jis se hai use sab kuchh suna deta hun main

rona aata tha jab apne haal par wo din gae

ab to barbaadi pe apni muskura deta hun main

aa gai ashkon mein lali hasraton ke KHun ki

dil ki jo haalat hai aankhon se dikha deta hun main

husn ke daman pe aanch aane nahin deta kabhi

apne dil mein shoala-e-gham ko daba deta hun main

kaam kya zinda-dili ka mar chuka 'nawwab' dil

maut ki nind aarzuon ko sula deta hun main