gham nahin log jo shahzad ki jaanib ho jaen

ġham nahīñ log jo shahzād kī jānib ho jaa.eñ

kashtiyāñ ham bhī jalā Dāleñ to ġhālib ho jaa.eñ

sab ke sab apne ḳharīdār kī jānib ho jaa.eñ

chāhte haiñ ki zarā daam munāsib ho jaa.eñ

jang jiite haiñ to lahje haiñ ḳhudāoñ kī tarah

hārne vāloñ pe sajde hī na vājib ho jaa.eñ

sub.h har shaḳhs ginegā na.e darjoñ se hameñ

bas kisī shab tirī ḳhalvat ke musāhib ho jaa.eñ

ab 'adāvat bhī himāyat bhī nahīñ poshīda

jitne mujrim haiñ sabhī ahl-e-marātib ho jaa.eñ

ḳhushbueñ sāñsoñ se aur rang nigāhoñ se paḌheñ

titliyoñ phūloñ se aao nā muḳhātib ho jaa.eñ

apne malbūs pe mal kar tire tan kī ḳhushbū

ham jo muhtāj haiñ ik roz meñ sāhib ho jaa.eñ

rauzan-e-rūh se jhāñkā to ye ḳhvāhish jaagī

bār-e-tajsīm uThā leñ tirī qālib ho jaa.eñ

bas ye ḳhvāhish hai jahāñ jaa.eñ tirī sohbat ho

tū agar chāñd ho ham nazm-e-kavākib ho jaa.eñ

gham nahin log jo shahzad ki jaanib ho jaen

kashtiyan hum bhi jala Dalen to ghaalib ho jaen

sab ke sab apne KHaridar ki jaanib ho jaen

chahte hain ki zara dam munasib ho jaen

jang jite hain to lahje hain KHudaon ki tarah

haarne walon pe sajde hi na wajib ho jaen

subh har shaKHs ginega nae darjon se hamein

bas kisi shab teri KHalwat ke musahib ho jaen

ab 'adawat bhi himayat bhi nahin poshida

jitne mujrim hain sabhi ahl-e-maraatib ho jaen

KHushbuen sanson se aur rang nigahon se paDhen

titliyon phulon se aao na muKHatib ho jaen

apne malbus pe mal kar tere tan ki KHushbu

hum jo muhtaj hain ek roz mein sahib ho jaen

rauzan-e-ruh se jhanka to ye KHwahish jagi

bar-e-tajsim uTha len teri qalib ho jaen

bas ye KHwahish hai jahan jaen teri sohbat ho

tu agar chand ho hum nazm-e-kawakib ho jaen