gham se kis ko farar hai logo

ġham se kis ko farār hai logo

har ḳhushī ab udhār hai logo

raaz vo jānte nahīñ shāyad

har nashe kā utaar hai logo

ye abhī tak samajh na paa.e ham

kaun kis par nisār hai logo

maiñ to shā.ir huuñ dard kā maarā

kyoñ nahīñ mujh se pyaar hai logo

us kī zinda-dilī pe mat jaao

vo bhī ġham kā shikār hai logo

jo mile ġhair ko dukhī kar ke

vo ḳhushī mujh pe baar hai logo

daur-e-iflās-o-ibtilā.eñ haiñ

phir bhī apnā 'vaqār' hai logo

gham se kis ko farar hai logo

har KHushi ab udhaar hai logo

raaz wo jaante nahin shayad

har nashe ka utar hai logo

ye abhi tak samajh na pae hum

kaun kis par nisar hai logo

main to shair hun dard ka mara

kyon nahin mujh se pyar hai logo

us ki zinda-dili pe mat jao

wo bhi gham ka shikar hai logo

jo mile ghair ko dukhi kar ke

wo KHushi mujh pe bar hai logo

daur-e-iflas-o-ibtilaen hain

phir bhi apna 'waqar' hai logo