gham-zada ki aankh se aansu chura sakte hain hum

ġham-zada kī aañkh se aañsū churā sakte haiñ ham

haañ kisī rote hue ko bhī hañsā sakte haiñ ham

shahd lahja inkisārī dard-mandī aur faiz

ḳhūbiyāñ hoñ ye to sab kā dil churā sakte haiñ ham

talḳhiyoñ kā zahr kyoñ gholeñ bhalā rishtoñ meñ jab

ḳhush-mizājī se diloñ meñ ghar banā sakte haiñ ham

kab kahā ham ne ki sūraj chāñd hī ham ko mileñ

ek jugnū se bhī ghar raushan banā sakte haiñ ham

ham mohabbat bāñTne vaale vafā ke phuul haiñ

dosto kāñTe bhī siine se lagā sakte haiñ ham

dil hai vābasta kisī ik aise pyāre shaḳhs se

vo agar kah de to apnī jaañ luTā sakte haiñ ham

gham-zada ki aankh se aansu chura sakte hain hum

han kisi rote hue ko bhi hansa sakte hain hum

shahd lahja inkisari dard-mandi aur faiz

KHubiyan hon ye to sab ka dil chura sakte hain hum

talKHiyon ka zahr kyon gholen bhala rishton mein jab

KHush-mizaji se dilon mein ghar bana sakte hain hum

kab kaha hum ne ki suraj chand hi hum ko milen

ek jugnu se bhi ghar raushan bana sakte hain hum

hum mohabbat banTne wale wafa ke phul hain

dosto kanTe bhi sine se laga sakte hain hum

dil hai wabasta kisi ek aise pyare shaKHs se

wo agar kah de to apni jaan luTa sakte hain hum