ghamon ki aag pe sab Khaal-o-KHad sanware gae

ġhamoñ kī aag pe sab ḳhāl-o-ḳhad sañvāre ga.e

ye kaise karb ke aalam se ham guzāre ga.e

huā hai is liye bhī sogvār-o-nauha-kunāñ

hujūm-e-shahr meñ ham log lā ke maare ga.e

bisāt-e-vaqt pe khelī ga.ī hai jab baazī

hamīñ to khel meñ har samt rakh ke haare ga.e

vo chāñd TuuT gayā jis se raat raushan thī

chamak rahe the falak par jo sab sitāre ga.e

jahāñ jahāñ se bhī guzre hujūm-e-mātam meñ

shagufta phuul se chehre qazā pe vaare ga.e

'figār' aag kahāñ ab dhuāñ bhī mushkil hai

vo shab ko os paḌī hai ki sab sharāre ga.e

ghamon ki aag pe sab KHal-o-KHad sanware gae

ye kaise karb ke aalam se hum guzare gae

hua hai is liye bhi sogwar-o-nauha-kunan

hujum-e-shahr mein hum log la ke mare gae

bisat-e-waqt pe kheli gai hai jab bazi

hamin to khel mein har samt rakh ke haare gae

wo chand TuT gaya jis se raat raushan thi

chamak rahe the falak par jo sab sitare gae

jahan jahan se bhi guzre hujum-e-matam mein

shagufta phul se chehre qaza pe ware gae

'figar' aag kahan ab dhuan bhi mushkil hai

wo shab ko os paDi hai ki sab sharare gae