ghamon ki dhup kaDi dopahar se guzre hain
ġhamoñ kī dhuup kaḌī dopahar se guzre haiñ
tamām umr jhulastī Dagar se guzre haiñ
hamārī palkoñ se Tapke na kyuuñ girāñ-ḳhvābī
farāz-e-shab se tulū-e-sahar se guzre haiñ
ajiib baat hai ghar kā nishāñ nahīñ miltā
hazār baar unhī dīvār-o-dar se guzre haiñ
kabhī sukūñ hai kabhī iztirāb kā aalam
ajiib kaifiyat-e-ḳhair-o-shar se guzre haiñ
bharosa kaun kare ab sadā-e-sahrā kā
misāl-e-gard isī rahguzar se guzre haiñ
ghamon ki dhup kaDi dopahar se guzre hain
tamam umr jhulasti Dagar se guzre hain
hamari palkon se Tapke na kyun giran-KHwabi
faraaz-e-shab se tulu-e-sahar se guzre hain
ajib baat hai ghar ka nishan nahin milta
hazar bar unhi diwar-o-dar se guzre hain
kabhi sukun hai kabhi iztirab ka aalam
ajib kaifiyat-e-KHair-o-shar se guzre hain
bharosa kaun kare ab sada-e-sahra ka
misal-e-gard isi rahguzar se guzre hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
