ghamon ki raat hai basti mein sab shajar chup hain

ġhamoñ kī raat hai bastī meñ sab shajar chup haiñ

parinde sog meñ baiThe to haiñ magar chup haiñ

havā ke saare savāloñ ke haiñ javāb magar

mire charāġh ujāloñ ko dekh kar chup haiñ

rafāqatoñ ko tamāsha banāne se behtar

har ek baat tirī kar ke darguzar chup haiñ

kisī lihāz ne sī rakkhe haiñ hamāre lab

hameñ haqīr na samjho ki ham agar chup haiñ

bichhaḌ ke sāmne aa.ī hai donoñ kī fitrat

vo qissa-go haiñ udhar aur ham idhar chup haiñ

abhī talak to har ik chiiz boltī thī yahāñ

ye kyā huā hai achānak jo bām-o-dar chup haiñ

savāl ishq pe ham us se kar to leñ lekin

ham us savāl se aage kā soch kar chup haiñ

ghamon ki raat hai basti mein sab shajar chup hain

parinde sog mein baiThe to hain magar chup hain

hawa ke sare sawalon ke hain jawab magar

mere charagh ujalon ko dekh kar chup hain

rafaqaton ko tamasha banane se behtar

har ek baat teri kar ke darguzar chup hain

kisi lihaz ne si rakkhe hain hamare lab

hamein haqir na samjho ki hum agar chup hain

bichhaD ke samne aai hai donon ki fitrat

wo qissa-go hain udhar aur hum idhar chup hain

abhi talak to har ek chiz bolti thi yahan

ye kya hua hai achanak jo baam-o-dar chup hain

sawal ishq pe hum us se kar to len lekin

hum us sawal se aage ka soch kar chup hain