ghamon ko bhul jaana chahta hun

ġhamoñ ko bhuul jaanā chāhtā huuñ

unheñ apnā banānā chāhtā huuñ

bahut hī āzmāyā tū ne ham ko

maiñ tujh ko āzmānā chāhtā huuñ

muqaddar jo bhī hogā hogā apnā

unhī rāhoñ pe jaanā chāhtā huuñ

na roke bevafā koī ḳhudārā

vafā par jaan denā chāhtā huuñ

lahak ai ātish-e-husn-e-mohabbat

maiñ ḳhud dil ko jalānā chāhtā huuñ

banā de aa.ina jis ko jahāñ meñ

vo dil par choT khānā chāhtā huuñ

'sharār' aao chaleñ kūche meñ us ke

maiñ dil ko phir dukhānā chāhtā huuñ

ghamon ko bhul jaana chahta hun

unhen apna banana chahta hun

bahut hi aazmaya tu ne hum ko

main tujh ko aazmana chahta hun

muqaddar jo bhi hoga hoga apna

unhi rahon pe jaana chahta hun

na roke bewafa koi KHudara

wafa par jaan dena chahta hun

lahak ai aatish-e-husn-e-mohabbat

main KHud dil ko jalana chahta hun

bana de aaina jis ko jahan mein

wo dil par choT khana chahta hun

'sharar' aao chalen kuche mein us ke

main dil ko phir dukhana chahta hun