ghamon se hijr ke kuchh aise bad-hawas rahe

ġhamoñ se hijr ke kuchh aise bad-havās rahe

vo mil ga.e bhī to ham der tak udaas rahe

ye anjuman to sitam ko sitam hī samjhegī

tirā karam ki hamīñ-ham adā-shanās rahe

vo chāk-dāmanī-e-gul kā raaz kyā jāneñ

bharī bahār meñ jo ḳhaar be-libās rahe

junūñ hai ek jasārat junūñ hai ek tarañg

ḳhirad nahīñ ki asīr-e-umīd-o-yās rahe

na TūTnā thā na TuuTā ġhurūr-e-gumrāhī

pahuñch ga.e bhī to manzil ke ās-pās rahe

nigāh tak to uThā dī kisī ne jaam ke saath

jo phir bhī rahtī hai 'ḳhāvar' to apnī pyaas rahe

ghamon se hijr ke kuchh aise bad-hawas rahe

wo mil gae bhi to hum der tak udas rahe

ye anjuman to sitam ko sitam hi samjhegi

tera karam ki hamin-ham ada-shanas rahe

wo chaak-damani-e-gul ka raaz kya jaanen

bhari bahaar mein jo KHar be-libas rahe

junun hai ek jasarat junun hai ek tarang

KHirad nahin ki asir-e-umid-o-yas rahe

na TuTna tha na TuTa ghurur-e-gumrahi

pahunch gae bhi to manzil ke aas-pas rahe

nigah tak to uTha di kisi ne jam ke sath

jo phir bhi rahti hai 'KHawar' to apni pyas rahe