gar dawa ke liye DhunDa hai to bekar kiya

gar davā ke liye DhūñDā hai to bekār kiyā

chāra-gar hī to hai jis ne hameñ bīmār kiyā

ham se kartā na talab kam se kam iz.hār-e-ḳhushī

is tarah aur bhī jiinā hameñ dushvār kiyā

daar tak khīñch ke tum le ga.e us ko nāhaq

us ne kab baat na sunñe pe thā isrār kiyā

kabhī faulād bhī ban jaatā thā tum ko yaaro

bas lachak jaane kī aadat ne tumheñ ḳhaar kiyā

kaam shar detā hai jab ḳhair se bantī nahīñ baat

mere bad-ḳhvāhoñ ne iz.hār ka.ī baar kiyā

ham use dost jo samjheñ bhī to kaise 'az.har'

chhup ke pīchhe se abhī us ne kahāñ vaar kiyā

gar dawa ke liye DhunDa hai to bekar kiya

chaara-gar hi to hai jis ne hamein bimar kiya

hum se karta na talab kam se kam izhaar-e-KHushi

is tarah aur bhi jina hamein dushwar kiya

dar tak khinch ke tum le gae us ko nahaq

us ne kab baat na sunne pe tha israr kiya

kabhi faulad bhi ban jata tha tum ko yaro

bas lachak jaane ki aadat ne tumhein KHar kiya

kaam shar deta hai jab KHair se banti nahin baat

mere bad-KHwahon ne izhaar kai bar kiya

hum use dost jo samjhen bhi to kaise 'azhar'

chhup ke pichhe se abhi us ne kahan war kiya