garche baadal pani barsata hua ghar ghar phira

garche bādal paanī barsātā huā ghar ghar phirā

phir bhī bārish kī duā kartā rahā ik sar-phirā

ek ummī ko milī apne hī dil meñ kā.enāt

aur maiñ aalim talāsh-e-zāt meñ dar dar phirā

ham zamāne se phire ye to bajā hai sāhibo

us ko to laao jo ham se āshnā ho kar phirā

us kī ḳhush-fahmī ne kal bas maar hī Daalā hameñ

tujh ko dekhā aur darvāze se chāra-gar phirā

aab vo aa.ī jo chehre par adū ke ba.ad-e-vasl

aur paanī vo jo merī ārzūoñ par phirā

garche baadal pani barsata hua ghar ghar phira

phir bhi barish ki dua karta raha ek sar-phira

ek ummi ko mili apne hi dil mein kaenat

aur main aalim talash-e-zat mein dar dar phira

hum zamane se phire ye to baja hai sahibo

us ko to lao jo hum se aashna ho kar phira

us ki KHush-fahmi ne kal bas mar hi Dala hamein

tujh ko dekha aur darwaze se chaara-gar phira

aab wo aai jo chehre par adu ke baad-e-wasl

aur pani wo jo meri aarzuon par phira