gard-aluda faza binai gard-alud thi

gard-ālūda fazā bīnā.ī gard-ālūd thī

pattharoñ ke shahr meñ sunvā.ī gard-ālūd thī

pattiyoñ par thī raqam saare chaman ki dāstāñ

aur chaman ki dāstāñ-ārā.ī gard-ālūd thī

ḳhuun meñ Duubī huī kuchh uñgliyāñ thiiñ soch meñ

duur vo thā hāshiya-ārā.ī gard-ālūd thī

vo use oḌhe rahā chehre pe ḳhushbū ki tarah

haañ vahī jis shaḳhs ki tanhā.ī gard-ālūd thī

ab ki rut badlī to phūloñ ko pasīna aa gayā

ab ki ḳhushbū ki karam-farmā.ī gard-ālūd thī

maiñ 'tapish' jin raġhbatoñ ko oḌh kar phirtā rahā

vo dar-o-dīvār vo añgnā.ī gard-ālūd thī

gard-aluda faza binai gard-alud thi

pattharon ke shahr mein sunwai gard-alud thi

pattiyon par thi raqam sare chaman ki dastan

aur chaman ki dastan-arai gard-alud thi

KHun mein Dubi hui kuchh ungliyan thin soch mein

dur wo tha hashiya-arai gard-alud thi

wo use oDhe raha chehre pe KHushbu ki tarah

han wahi jis shaKHs ki tanhai gard-alud thi

ab ki rut badli to phulon ko pasina aa gaya

ab ki KHushbu ki karam-farmai gard-alud thi

main 'tapish' jin raghbaton ko oDh kar phirta raha

wo dar-o-diwar wo angnai gard-alud thi