gard kaisi hai ye dhuan sa kya

gard kaisī hai ye dhuāñ sā kyā

jā rahā hai vo kārvāñ sā kyā

ho gayā koī mehrbāñ sā kyā

rañj kā bañdh gayā samāñ sā kyā

tak rahe haiñ ḳhalā meñ ham kis ko

ban rahā hai vo ik nishāñ sā kyā

silsila kuchh udāsiyoñ kā bhī

jagmagātā hai kahkashāñ sā kyā

ham bhī achchhe haiñ dard bhī kam hai

dil se uTThā magar dhuāñ sā kyā

kaise TuuTe sukūt-e-shām-e-firāq

har taraf shor-e-be-amāñ sā kyā

ye mohabbat hai yā hai koī tilism

pīchhā kartā hai ik gumāñ sā kyā

gard kaisi hai ye dhuan sa kya

ja raha hai wo karwan sa kya

ho gaya koi mehrban sa kya

ranj ka bandh gaya saman sa kya

tak rahe hain KHala mein hum kis ko

ban raha hai wo ek nishan sa kya

silsila kuchh udasiyon ka bhi

jagmagata hai kahkashan sa kya

hum bhi achchhe hain dard bhi kam hai

dil se uTTha magar dhuan sa kya

kaise TuTe sukut-e-sham-e-firaq

har taraf shor-e-be-aman sa kya

ye mohabbat hai ya hai koi tilism

pichha karta hai ek guman sa kya