gardish-e-chashm-e-mast se dil ko lubha gaya koi

gardish-e-chashm-e-mast se dil ko lubhā gayā koī

aql pe mujh ko naaz thā vo bhī miTā gayā koī

dil ko tabassum-e-nazar apnā dikhā gayā koī

dāman-e-aql-o-hosh meñ aag lagā gayā koī

yaas ne kar diyā thā kuchh dil ke mizāj ko ḳhunuk

garmī-e-iltifāt se aag lagā gayā koī

ālam-e-be-ḳhudī meñ phir sajdoñ kī dhūm-dhām se

dair ke zarre zarre ko ka.aba banā gayā koī

'jauhar'-e-ġham-nasīb ko de ke payām-e-iltifāt

ishq ke e.atibār ko aur baḌhā gayā koī

gardish-e-chashm-e-mast se dil ko lubha gaya koi

aql pe mujh ko naz tha wo bhi miTa gaya koi

dil ko tabassum-e-nazar apna dikha gaya koi

daman-e-aql-o-hosh mein aag laga gaya koi

yas ne kar diya tha kuchh dil ke mizaj ko KHunuk

garmi-e-iltifat se aag laga gaya koi

aalam-e-be-KHudi mein phir sajdon ki dhum-dham se

dair ke zarre zarre ko kaba bana gaya koi

'jauhar'-e-gham-nasib ko de ke payam-e-iltifat

ishq ke eatibar ko aur baDha gaya koi