gardish-e-dauran se yahan kis ko faragh aaya hai hath

gardish-e-daurāñ se yahāñ kis ko farāġh aayā hai haath

haañ magar aayā to ik hasrat kā daaġh aayā hai haath

nauha-sanjī kī bhī mohlat andalīboñ meñ nahīñ

bāġhbāñ qismat se kyā hai be-dimāġh aayā hai haath

umr guzrī justajū-e-kūcha-e-dil-dār meñ

vā.e-nākāmī pas-az-murdan surāġh aayā hai haath

dil ke dāġhoñ ne kiyā ham ko chaman se be-niyāz

mannateñ maanī haiñ barsoñ tab ye baaġh aayā hai haath

daaġh dil par naala lab par chashm giryāñ siina riish

'āshiq'-e-shorīda ko kis dam farāġh aayā hai haath

gardish-e-dauran se yahan kis ko faragh aaya hai hath

han magar aaya to ek hasrat ka dagh aaya hai hath

nauha-sanji ki bhi mohlat andalibon mein nahin

baghban qismat se kya hai be-dimagh aaya hai hath

umr guzri justaju-e-kucha-e-dil-dar mein

wae-nakaami pas-az-murdan suragh aaya hai hath

dil ke daghon ne kiya hum ko chaman se be-niyaz

mannaten mani hain barson tab ye bagh aaya hai hath

dagh dil par nala lab par chashm giryan sina rish

'ashiq'-e-shorida ko kis dam faragh aaya hai hath