gardish-e-haalat se hon kyon pareshan titliyan

gardish-e-hālāt se hoñ kyoñ pareshāñ titliyāñ

haiñ surūr-o-kaif-o-mastī meñ ye raqsāñ titliyāñ

dekh kar rangīñ guloñ kī be-sabātī nā-samajh

kar rahī haiñ bevafā bhañvaroñ se paimāñ titliyāñ

mastiyoñ meñ mahv haiñ mastūriyoñ meñ kuchh magar

haiñ khule-bandoñ ġharīq-e-bahr-e-isyāñ titliyāñ

misl-e-parvāna khīñchī aatī haiñ us kī diid ko

dekhne betāb haiñ māh-e-daraḳhshāñ titliyāñ

chheḌtī haiñ shoḳhiyoñ se zarfishāñ ruḳhsār ko

chūmtī haiñ yā siyāh-e-sumbulistāñ titliyāñ

sīkhnā hai shoḳhiyāñ un ko kisī gul-nāz se

kar rahī haiñ yuuñ tavāf-e-kū-e-jānāñ titliyāñ

dekhtā huuñ un ko jab aTkheliyāñ karte hue

to dilā detī haiñ mujh ko yād-e-ḳhūbāñ titliyāñ

fikr-e-she.rī ke liye 'arshad' chaman jaatā huuñ jab

saath hotī haiñ mire aksar ġhazal-ḳhvāñ titliyāñ

gardish-e-haalat se hon kyon pareshan titliyan

hain surur-o-kaif-o-masti mein ye raqsan titliyan

dekh kar rangin gulon ki be-sabaati na-samajh

kar rahi hain bewafa bhanwaron se paiman titliyan

mastiyon mein mahw hain masturiyon mein kuchh magar

hain khule-bandon ghariq-e-bahr-e-isyan titliyan

misl-e-parwana khinchi aati hain us ki did ko

dekhne betab hain mah-e-daraKHshan titliyan

chheDti hain shoKHiyon se zarfishan ruKHsar ko

chumti hain ya siyah-e-sumbulistan titliyan

sikhna hai shoKHiyan un ko kisi gul-naz se

kar rahi hain yun tawaf-e-ku-e-jaanan titliyan

dekhta hun un ko jab aTkheliyan karte hue

to dila deti hain mujh ko yaad-e-KHuban titliyan

fikr-e-sheri ke liye 'arshad' chaman jata hun jab

sath hoti hain mere aksar ghazal-KHwan titliyan