gardish-e-sham-o-sahar se bhi guzar kar dekha

gardish-e-shām-o-sahar se bhī guzar kar dekhā

mahfil-e-shams-o-qamar se bhī guzar kar dekhā

na milā haañ na milā manzil-e-hastī kā surāġh

vādī-e-fikr-o-nazar se bhī guzar kar dekhā

dil kā chāhā na milā apne muqaddar kā milā

mālik-e-dahr ke dar se bhī guzar kar dekhā

talḳhī-e-zīst ko de paa.e na hargiz bhī fareb

husn kī rāhguzar se bhī guzar kar dekhā

ḳhaak ko ḳhaak samajhnā thā haqīqat se farār

rif.at-e-la.al-o-gohar se bhī guzar kar dekhā

sard kī sard rahī muft meñ badnām kiyā

aah ne qalb-o-jigar se bhī guzar kar dekhā

bā-murādoñ ke tabassum se hai 'tālib' kā savāl

kyā kabhī dīda-e-tar se bhī guzar kar dekhā

gardish-e-sham-o-sahar se bhi guzar kar dekha

mahfil-e-shams-o-qamar se bhi guzar kar dekha

na mila han na mila manzil-e-hasti ka suragh

wadi-e-fikr-o-nazar se bhi guzar kar dekha

dil ka chaha na mila apne muqaddar ka mila

malik-e-dahr ke dar se bhi guzar kar dekha

talKHi-e-zist ko de pae na hargiz bhi fareb

husn ki rahguzar se bhi guzar kar dekha

KHak ko KHak samajhna tha haqiqat se farar

rifat-e-lal-o-gohar se bhi guzar kar dekha

sard ki sard rahi muft mein badnam kiya

aah ne qalb-o-jigar se bhi guzar kar dekha

ba-muradon ke tabassum se hai 'talib' ka sawal

kya kabhi dida-e-tar se bhi guzar kar dekha