gardish-e-waqt pe hum gahri nazar rakhte hain

gardish-e-vaqt pe ham gahrī nazar rakhte haiñ

apne dushman ko parakhne kā hunar rakhte haiñ

dosto dil ke charāġhoñ ko jalāte haiñ ham

be-sahāroñ ke liye soz-e-jigar rakhte haiñ

apnī ḳhvāhish ko zabāñ par nahīñ laate lekin

ham bhī is dil meñ umīdoñ kā nagar rakhte haiñ

ḳhvāb-e-ġhaflat meñ samajhte haiñ zamāne vaale

ham magar saare zamāne kī ḳhabar rakhte haiñ

kyoñ Darātā hai hameñ dār-o-rasan se bātil

haq-parastī ke liye daar pe sar rakhte haiñ

daad dete haiñ hameñ raah ke kāñTe bhī 'nadīm'

ābla-pā haiñ magar azm-e-safar rakhte haiñ

gardish-e-waqt pe hum gahri nazar rakhte hain

apne dushman ko parakhne ka hunar rakhte hain

dosto dil ke charaghon ko jalate hain hum

be-sahaaron ke liye soz-e-jigar rakhte hain

apni KHwahish ko zaban par nahin late lekin

hum bhi is dil mein umidon ka nagar rakhte hain

KHwab-e-ghaflat mein samajhte hain zamane wale

hum magar sare zamane ki KHabar rakhte hain

kyon Daraata hai hamein dar-o-rasan se baatil

haq-parasti ke liye dar pe sar rakhte hain

dad dete hain hamein rah ke kanTe bhi 'nadim'

aabla-pa hain magar azm-e-safar rakhte hain