gardish-e-waqt se iqbaal pareshan na ho

gardish-e-vaqt se 'iqbāl' pareshān na ho

ye tabāhī bhī guzar jā.egī hairān na ho

sub.h lā.egī kisī aish-o-tarab kā paiġhām

shiddat-e-ranj se itnā tū pareshān na ho

uljhaneñ aur bhī baḌh jaatī haiñ vaqt-e-gardish

jaan lene kī yahī baat hai anjān na ho

ḳhud galā ghoñT ke mar jaa.eñ yaqīnan ik din

ham ko jiine kā agar dahr meñ armān na ho

zindagī us kī bhalā aish meñ kyā guzregī

jis ko duniyā meñ koī aish kā sāmān na ho

ḳhuun se sīñch ke ābād kiyā hai is ko

mere maulā mirā gulshan kabhī vīrān na ho

hai azal se yahī dastūr-e-mohabbat ai dost

shiddat-e-ġham se tū 'iqbāl' pareshān na ho

gardish-e-waqt se 'iqbaal' pareshan na ho

ye tabahi bhi guzar jaegi hairan na ho

subh laegi kisi aish-o-tarab ka paigham

shiddat-e-ranj se itna tu pareshan na ho

uljhanen aur bhi baDh jati hain waqt-e-gardish

jaan lene ki yahi baat hai anjaan na ho

KHud gala ghonT ke mar jaen yaqinan ek din

hum ko jine ka agar dahr mein arman na ho

zindagi us ki bhala aish mein kya guzregi

jis ko duniya mein koi aish ka saman na ho

KHun se sinch ke aabaad kiya hai is ko

mere maula mera gulshan kabhi viran na ho

hai azal se yahi dastur-e-mohabbat ai dost

shiddat-e-gham se tu 'iqbaal' pareshan na ho