gardish-e-zamana se kab najat pate hain

gardish-e-zamāna se kab najāt paate haiñ

bijliyoñ kī zad pe jo āshiyāñ banāte haiñ

zāhirī navāzish ko dostī nahīñ kahte

dil agar nahīñ miltā haath kyoñ milāte haiñ

dekhnā hai tum kab tak ham se bair rakkhoge

har qadam pe chāhat ke ham diye jalāte haiñ

ham ne jo zamāne kā kal sabaq paḌhāyā thā

vo usuul ab ham ko aa.ina dikhāte haiñ

zindagī haqīqat meñ jo samajh ke jiite haiñ

vo ḳhushī meñ rote haiñ ġham meñ muskurāte haiñ

ham se ḳhush nahīñ hoñge maslahat ke saudāgar

un ke aib ham aksar raushnī meñ laate haiñ

raat ke añdhere meñ Duub jaate haiñ lekin

sub.h hote hī 'sābir' saa.e sar uThāte haiñ

gardish-e-zamana se kab najat pate hain

bijliyon ki zad pe jo aashiyan banate hain

zahiri nawazish ko dosti nahin kahte

dil agar nahin milta hath kyon milate hain

dekhna hai tum kab tak hum se bair rakkhoge

har qadam pe chahat ke hum diye jalate hain

hum ne jo zamane ka kal sabaq paDhaya tha

wo usul ab hum ko aaina dikhate hain

zindagi haqiqat mein jo samajh ke jite hain

wo KHushi mein rote hain gham mein muskuraate hain

hum se KHush nahin honge maslahat ke saudagar

un ke aib hum aksar raushni mein late hain

raat ke andhere mein Dub jate hain lekin

subh hote hi 'sabir' sae sar uThate hain