gardish mein aaina ho na kyun rozgar ka

gardish meñ aa.ina ho na kyuuñ rozgār kā

chullū meñ ḳhuuñ liye huuñ dil-e-be-qarār kā

bhaḌkī huī thī surḳh guloñ se chaman meñ aag

dāman na jal gayā ho nasīm-e-bahār kā

aa.e haiñ le ke ġhair ko vo pūchhne mizāj

tum ne gila kiyā thā dil-e-be-qarār kā

mahshar kī bhī umiid pe be car jaan dī

kyā e'tibār va.ada-e-be-e'tibār kā

itnī to aarzū hai kabhī yaad kar leñ dost

shāyad kabhī phir aa.e zamāna bahār kā

sāġhar ubal rahe haiñ to shīshoñ meñ josh hai

niklā hai khich ke dam jo kisī bāda-ḳhvār kā

tum aa.e kyā ki rañg-e-zamāna badal gayā

gul ho gayā charāġh hamāre mazār kā

tasvīr kī ragoñ meñ lahū dauḌne lagā

kyā aa gayā jahān meñ mausam bahār kā

gardish mein aaina ho na kyun rozgar ka

chullu mein KHun liye hun dil-e-be-qarar ka

bhaDki hui thi surKH gulon se chaman mein aag

daman na jal gaya ho nasim-e-bahaar ka

aae hain le ke ghair ko wo puchhne mizaj

tum ne gila kiya tha dil-e-be-qarar ka

mahshar ki bhi umid pe be car jaan di

kya e'tibar wada-e-be-e'tibar ka

itni to aarzu hai kabhi yaad kar len dost

shayad kabhi phir aae zamana bahaar ka

saghar ubal rahe hain to shishon mein josh hai

nikla hai khich ke dam jo kisi baada-KHwar ka

tum aae kya ki rang-e-zamana badal gaya

gul ho gaya charagh hamare mazar ka

taswir ki ragon mein lahu dauDne laga

kya aa gaya jahan mein mausam bahaar ka