gardish mein sitare hon jis ke duniya ko bhala kab bhata hai

gardish meñ sitāre hoñ jis ke duniyā ko bhalā kab bhātā hai

vo laakh paTak le sar apnā par jag se sazā hī paatā hai

muflis kā bhī jiinā kyā jiinā jo ghūñT lahū ke pī jaa.e

jitnā vo jhuke jag ke aage utnī hī vo Thokar khātā hai

ai dard chalā jā aur kahīñ is dil ko bhī thoḌī rāhat ho

kyoñ uTh ke ġharīboñ ke dar se mujh ko hī sadā taḌpātā hai

itnā bhī na achchhā vahshī-pan daulat ke nashe meñ pāgal sun

jo hai na kabhī Tikne vaalī us chiiz pe kyoñ itrātā hai

bhejā thā banā jis ko rahbar par pesh vo rahzan sā aayā

ab kaise yaqīñ us par kar leñ jo rañg badal phir aatā hai

maanā ki jahāñ nāyāb ḳhudā kārīgarī hai is meñ terī

par dil ko manā.eñ kaise ham rah kar jo yahāñ ghabrātā hai

ye shauq naman ne paalā hai dukh dard pirotā ġhazloñ meñ

bedard zamāne par hañstā mazlūm pe aañsū laatā hai

gardish mein sitare hon jis ke duniya ko bhala kab bhata hai

wo lakh paTak le sar apna par jag se saza hi pata hai

muflis ka bhi jina kya jina jo ghunT lahu ke pi jae

jitna wo jhuke jag ke aage utni hi wo Thokar khata hai

ai dard chala ja aur kahin is dil ko bhi thoDi rahat ho

kyon uTh ke gharibon ke dar se mujh ko hi sada taDpata hai

itna bhi na achchha wahshi-pan daulat ke nashe mein pagal sun

jo hai na kabhi Tikne wali us chiz pe kyon itraata hai

bheja tha bana jis ko rahbar par pesh wo rahzan sa aaya

ab kaise yaqin us par kar len jo rang badal phir aata hai

mana ki jahan nayab KHuda karigari hai is mein teri

par dil ko manaen kaise hum rah kar jo yahan ghabraata hai

ye shauq naman ne pala hai dukh dard pirota ghazlon mein

bedard zamane par hansta mazlum pe aansu lata hai