gardishon mein bhi hum rasta pa gae

gardishoñ meñ bhī ham rāsta pā ga.e

jis galī se chale the vahīñ aa ga.e

nā-gahāñ us ne jab pursish-e-hāl kī

aañkh nam ho ga.ī hoñT tharrā ga.e

zikr jab bhī chhiḌā hai vafā kā kahīñ

jaane kyuuñ ham ko kuchh dost yaad aa ga.e

haath ulajhne lage jeb-o-dastāñ se kyuuñ

ai junūñ kyā bahāroñ ke din aa ga.e

vo nazar uTh ga.ī jab sar-e-mai-kada

ḳhud ba-ḳhud jaam se jaam Takrā ga.e

aise nāzuk to 'iqbāl' ham bhī na the

log nādān the ham se Takrā ga.e

gardishon mein bhi hum rasta pa gae

jis gali se chale the wahin aa gae

na-gahan us ne jab pursish-e-haal ki

aankh nam ho gai honT tharra gae

zikr jab bhi chhiDa hai wafa ka kahin

jaane kyun hum ko kuchh dost yaad aa gae

hath ulajhne lage jeb-o-dastan se kyun

ai junun kya bahaaron ke din aa gae

wo nazar uTh gai jab sar-e-mai-kada

KHud ba-KHud jam se jam Takra gae

aise nazuk to 'iqbaal' hum bhi na the

log nadan the hum se Takra gae