gharib chhaon pe jab shams-e-dahr Tut paDa

ġharīb chhāoñ pe jab shams-e-dahr Tuut paḌā

to āsmān se duniyā pe qahr Tuut paḌā

ilāhī ḳhair ki ab tū hī aabrū rakhnā

fasīl-e-nahr pe sailāb-e-bahr Tuut paḌā

hamāre jism ke qil’e kī shaam jaise hī aa.ī

hazāroñ Tīsoñ ke ḳhanjar kā zahr Tuut paḌā

ġharīb shaḳhs kī mayyat meñ chaar shaḳhs na the

amīr-e-shahr kī dā'vat pe shahr Tuut paḌā

kisī kī surma.ī āñkhoñ ko dekh kar gum-sum

kisī kī ruuh pe kohsār-e-jahr Tuut paḌā

zarā sī fan kī kamī dekhte hī kyā kahiye

jo mujh meñ chup thā vo ġhāzī-e-bahr Tuut paḌā

gharib chhaon pe jab shams-e-dahr Tut paDa

to aasman se duniya pe qahr Tut paDa

ilahi KHair ki ab tu hi aabru rakhna

fasil-e-nahr pe sailab-e-bahr Tut paDa

hamare jism ke qil’e ki sham jaise hi aai

hazaron Tison ke KHanjar ka zahr Tut paDa

gharib shaKHs ki mayyat mein chaar shaKHs na the

amir-e-shahr ki da'wat pe shahr Tut paDa

kisi ki surmai aankhon ko dekh kar gum-sum

kisi ki ruh pe kohsar-e-jahr Tut paDa

zara si fan ki kami dekhte hi kya kahiye

jo mujh mein chup tha wo ghazi-e-bahr Tut paDa