garm-joshi ke nagar mein sard-tanhai mili

garm-joshī ke nagar meñ sard-tanhā.ī milī

chāñdnī us paikar-e-ḳhākī ko gahnā.ī milī

bujh gayā phir shaam ke sahrā meñ sūraj kā ḳhayāl

phir mah-o-anjum ko jī uThne kī rusvā.ī milī

phir koī misl-e-sabā aayā hai sahn-e-ḳhvāb meñ

phir mire har zaḳhm ko yādoñ kī purvā.ī milī

ik purāne naqsh ke mānind sūraj bujh gayā

shab ke shāne par sitāroñ kī ghaTā chhā.ī milī

ḳhūb-sūrat aañkh ko ik jhiil samjhā thā magar

tairne utrā to sāgar kī sī gahrā.ī milī

phir fazā meñ rach ga.ī hai zaḳhm-e-tāza kī mahak

phir mirī palkoñ ko 'shāhīñ-badr' goyā.ī milī

garm-joshi ke nagar mein sard-tanhai mili

chandni us paikar-e-KHaki ko gahnai mili

bujh gaya phir sham ke sahra mein suraj ka KHayal

phir mah-o-anjum ko ji uThne ki ruswai mili

phir koi misl-e-saba aaya hai sahn-e-KHwab mein

phir mere har zaKHm ko yaadon ki purwai mili

ek purane naqsh ke manind suraj bujh gaya

shab ke shane par sitaron ki ghaTa chhai mili

KHub-surat aankh ko ek jhil samjha tha magar

tairne utra to sagar ki si gahrai mili

phir faza mein rach gai hai zaKHm-e-taza ki mahak

phir meri palkon ko 'shahin-badr' goyai mili