garmi nigah-e-dost ki dil mein liye hue

garmī nigāh-e-dost kī dil meñ liye hue

guzre jahāñ ko sāz-e-mohabbat diye hue

be-kaifiyoñ ke bojh se dabtī hayāt meñ

tum aa.e nūr-e-nik.hat-o-naġhma liye hue

sunsān rāheñ jaag uThī aa rahe haiñ vo

jalvoñ se har qadam pe charāġhāñ kiye hue

e.ajāz us tabassum-e-jānāñ kā dekhiye

ġham-hā-e-rozgār meñ haiñ ham jiye hue

ho husn kī sharāb kī sahbā-e-ishq ho

tum ho piye hue to haiñ ham bhī piye hue

āshuftagī meñ aane lagā hai maza mujhe

muddat huī hai chaak garebāñ kiye hue

mujh tishna-lab tak aa.e na aa.e vo daur-e-jām

lekin tirā ḳhayāl hai sāhab liye hue

saaqī kī hai navāzish usī par hī munhasir

kyā zarf hai jo hāthoñ meñ ham haiñ liye hue

kis imtihāñ ko khel samajh kar na khele ham

kis rah ko hai na ahl-e-vafā tai kiye hue

aa.e haiñ aaj bazm meñ us shoḳh kī 'habīb'

āñkhoñ meñ shauq dil meñ tamannā liye hue

garmi nigah-e-dost ki dil mein liye hue

guzre jahan ko saz-e-mohabbat diye hue

be-kaifiyon ke bojh se dabti hayat mein

tum aae nur-e-nikhat-o-naghma liye hue

sunsan rahen jag uThi aa rahe hain wo

jalwon se har qadam pe charaghan kiye hue

eajaz us tabassum-e-jaanan ka dekhiye

gham-ha-e-rozgar mein hain hum jiye hue

ho husn ki sharab ki sahba-e-ishq ho

tum ho piye hue to hain hum bhi piye hue

aashuftagi mein aane laga hai maza mujhe

muddat hui hai chaak gareban kiye hue

mujh tishna-lab tak aae na aae wo daur-e-jam

lekin tera KHayal hai sahab liye hue

saqi ki hai nawazish usi par hi munhasir

kya zarf hai jo hathon mein hum hain liye hue

kis imtihan ko khel samajh kar na khele hum

kis rah ko hai na ahl-e-wafa tai kiye hue

aae hain aaj bazm mein us shoKH ki 'habib'

aankhon mein shauq dil mein tamanna liye hue