gharq kar den na kahin yas ke tufan mujhko

ġharq kar deñ na kahīñ yaas ke tūfāñ mujh ko

ye kidhar le ke chale haiñ mire armāñ mujh ko

ḳhud mashī.at ne kiyā ishq-badāmāñ mujh ko

kyoñ na taḌpā.e phir ab gardish-e-daurāñ mujh ko

merī nākāmī-e-taqdīr kā anjām na pūchh

mauja-e-ashk huā bāda-e-irfāñ mujh ko

aish-e-duniyā ke maze the dil-e-marhūm ke saath

ab to duniyā hai faqat gosha-e-vīrāñ mujh ko

haa.e kyā kyā na kiyā ek mazāq-e-ġham ne

chāk-dil chāk-jigar chāk-garebāñ mujh ko

kab hai mahdūd bahāroñ meñ nazar kī vus.at

ya.anī ye phuul bhī haiñ ḳhār-e-muġhīlāñ mujh ko

nazar aane lagī har zarra meñ apnī hī shabīh

kar diyā kasrat-e-nazzāra ne hairāñ mujh ko

dil kī ta.amīr kā zāmin hai kamāl-e-taḳhrīb

dard ho jā.egā ḳhud dard kā darmāñ mujh ko

bahr-e-ulfat meñ nahīñ ḳhvāhish-e-sāhil ai 'mauj'

maiñ na tūfān ko choḌūñgā na tūfāñ mujh ko

gharq kar den na kahin yas ke tufan mujh ko

ye kidhar le ke chale hain mere arman mujh ko

KHud mashiat ne kiya ishq-badaman mujh ko

kyon na taDpae phir ab gardish-e-dauran mujh ko

meri nakaami-e-taqdir ka anjam na puchh

mauja-e-ashk hua baada-e-irfan mujh ko

aish-e-duniya ke maze the dil-e-marhum ke sath

ab to duniya hai faqat gosha-e-viran mujh ko

hae kya kya na kiya ek mazaq-e-gham ne

chaak-dil chaak-jigar chaak-gareban mujh ko

kab hai mahdud bahaaron mein nazar ki wusat

yani ye phul bhi hain KHar-e-mughilan mujh ko

nazar aane lagi har zarra mein apni hi shabih

kar diya kasrat-e-nazzara ne hairan mujh ko

dil ki tamir ka zamin hai kamal-e-taKHrib

dard ho jaega KHud dard ka darman mujh ko

bahr-e-ulfat mein nahin KHwahish-e-sahil ai 'mauj'

main na tufan ko choDunga na tufan mujh ko