gharq sa wo ho gaya ek aalam-e-KHamoshi mein

ġharq sā vo ho gayā ik ālam-e-ḳhāmoshī meñ

jis ne bhī jhāñkā mire ḳhvāboñ kī library meñ

TuuT kar phir se juḌā huuñ ḳhud-baḳhud muddat ke baad

ab na jaane kyā banā huuñ is nau be-tartībī meñ

hāl-e-dil kis ko sunā.eñ jaa.eñ kis ke paas ham

ḳhud ko luuTā hai hamī ne apnī pahre-dārī meñ

har koī kahtā phire hai ye kahānī merī hai

naam jab likkhā nahīñ maiñ ne savāneh-umrī meñ

lahreñ ban kar bah ga.e ġham sab mire yak-dam ki jab

maiñ barahna paañv utrā ThanDe ThanDe paanī meñ

vo buḌhāpā dekh letā hai javānī meñ sadā

jis kā bachpan ho basar kumbe kī zimmedārī meñ

paas baiThe raat bhar 'mansūr' mujh ko dekhnā

lūTnā un ko kabhī aaya na afrātafrī meñ

gharq sa wo ho gaya ek aalam-e-KHamoshi mein

jis ne bhi jhanka mere KHwabon ki library mein

TuT kar phir se juDa hun KHud-baKHud muddat ke baad

ab na jaane kya bana hun is nau be-tartibi mein

haal-e-dil kis ko sunaen jaen kis ke pas hum

KHud ko luTa hai hami ne apni pahre-dari mein

har koi kahta phire hai ye kahani meri hai

nam jab likkha nahin main ne sawaneh-umri mein

lahren ban kar bah gae gham sab mere yak-dam ki jab

main barahna panw utra ThanDe ThanDe pani mein

wo buDhapa dekh leta hai jawani mein sada

jis ka bachpan ho basar kumbe ki zimmedari mein

pas baiThe raat bhar 'mansur' mujh ko dekhna

luTna un ko kabhi aaya na afraatafri mein