ghazab mein shishagar hai aur main hun

ġhazab meñ shīshagar hai aur maiñ huuñ

mirā shīshe kā ghar hai aur maiñ huuñ

nigāh-e-tez-tar hai aur maiñ huuñ

mohabbat kā asar hai aur maiñ huuñ

sukūñ mujh ko mayassar kis tarah ho

ki ābādī meñ ghar hai aur maiñ huuñ

kab aa.e manzil-e-maqsūd dekho

taḳhayyul kā safar hai aur maiñ huuñ

batā.ūñ kyā mashāġhil zindagī ke

kisī kā sang-e-dar hai aur maiñ huuñ

na kuchh zād-e-safar hai aur na tosha

safar be-bāl-o-par hai aur maiñ huuñ

bahut hai kār-hā-e-zīst lekin

hayāt-e-muḳhtasar hai aur maiñ huuñ

taḳhayyul meñ talātum sā bapā hai

ye dariyā zor par hai aur maiñ huuñ

huzūrī kī ho kyā tadbīr 'ḳhāvar'

vahī darbān-e-dar hai aur maiñ huuñ

ghazab mein shishagar hai aur main hun

mera shishe ka ghar hai aur main hun

nigah-e-tez-tar hai aur main hun

mohabbat ka asar hai aur main hun

sukun mujh ko mayassar kis tarah ho

ki aabaadi mein ghar hai aur main hun

kab aae manzil-e-maqsud dekho

taKHayyul ka safar hai aur main hun

bataun kya mashaghil zindagi ke

kisi ka sang-e-dar hai aur main hun

na kuchh zad-e-safar hai aur na tosha

safar be-baal-o-par hai aur main hun

bahut hai kar-ha-e-zist lekin

hayat-e-muKHtasar hai aur main hun

taKHayyul mein talatum sa bapa hai

ye dariya zor par hai aur main hun

huzuri ki ho kya tadbir 'KHawar'

wahi darban-e-dar hai aur main hun