ghazal ghazal mein sataish tere jamal ki hai

ġhazal ġhazal meñ satā.ish tire jamāl kī hai

ye dilkashī tirī āñkhoñ meñ kis ġhazāl kī hai

utaar dī hai har ik peḌ ne qabā apnī

ḳhizāñ kī rut meñ adā mausam-e-visāl kī hai

hai dil kī Dor meñ biite hue dinoñ kā hisāb

ki ek ek girah ek ek saal kī hai

mahak uThī vo jagah do-ghaḌī jahāñ baiThe

ki saañs saañs meñ ḳhushbū tire ḳhayāl kī hai

kahī na us se kabhī dil kī baat is Dar se

har ek baat pe aadat use savāl kī hai

ḳhalā se lauT ke ā.ūñgā phir zamīñ kī taraf

mirā uruuj alāmat mire zavāl kī hai

ghazal ghazal mein sataish tere jamal ki hai

ye dilkashi teri aankhon mein kis ghazal ki hai

utar di hai har ek peD ne qaba apni

KHizan ki rut mein ada mausam-e-visal ki hai

hai dil ki Dor mein bite hue dinon ka hisab

ki ek ek girah ek ek sal ki hai

mahak uThi wo jagah do-ghaDi jahan baiThe

ki sans sans mein KHushbu tere KHayal ki hai

kahi na us se kabhi dil ki baat is Dar se

har ek baat pe aadat use sawal ki hai

KHala se lauT ke aaunga phir zamin ki taraf

mera uruj alamat mere zawal ki hai