ghazal-mizaj hai yaksar ghazal ka lahja hai
ġhazal-mizāj hai yaksar ġhazal kā lahja hai
sarāpā jaise nazākat kā isti.āra hai
qadam qadam pe charāġhoñ kī saañs ruktī hai
ki ab to shahroñ meñ jiinā azaab lagtā hai
jhulastī shaam badalne lagī hai pairāhan
tire badan kī tamāzat meñ sehr kaisā hai
shagufta harf-e-navā ajnabī se lagte haiñ
udaas lafzoñ se apnā qadīm rishta hai
na mausamoñ meñ mahak hai na rat-jagoñ meñ asar
tumhāre shahr kā mausam bhī kitnā phīkā hai
chahār-samt ḳhayāloñ kī ret bikhrī huī
hamārī pyaas kā manzar ye reg-e-sahrā hai
ab apnī tishna-labī par na jā.iyegā 'asar'
samundaroñ kā muhāfiz bhī aaj pyāsā hai
ghazal-mizaj hai yaksar ghazal ka lahja hai
sarapa jaise nazakat ka istiara hai
qadam qadam pe charaghon ki sans rukti hai
ki ab to shahron mein jina azab lagta hai
jhulasti sham badalne lagi hai pairahan
tere badan ki tamazat mein sehr kaisa hai
shagufta harf-e-nawa ajnabi se lagte hain
udas lafzon se apna qadim rishta hai
na mausamon mein mahak hai na rat-jagon mein asar
tumhaare shahr ka mausam bhi kitna phika hai
chahaar-samt KHayalon ki ret bikhri hui
hamari pyas ka manzar ye reg-e-sahra hai
ab apni tishna-labi par na jaiyega 'asar'
samundaron ka muhafiz bhi aaj pyasa hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
