gesu-e-hosh-o-matanat ko bikharne na diya

gesū-e-hosh-o-matānat ko bikharne na diyā

maiñ ne chāhat ko kabhī had se guzarne na diyā

dar-ba-dar mujh ko liye phirtī rahī fikr-e-ma.āsh

do ghaḌī chain se ik dar pe Thaharne na diyā

bas isī Dar se ki harf aa.e na tujh par ham ne

terī tasvīr ko āñkhoñ meñ ubharne na diyā

ḳhud kabhī tum ne bhalā.ī kā kiyā kaam na kuchh

us pe ye zulm ki auroñ ko bhī karne na diyā

raah meñ kitne hī ḳhush-rang nazāre the magar

mujh ko manzil kī tamanna ne Thaharne na diyā

zinda rakkhā hai har ik daur meñ be-shak 'tābish'

ek fan-kār ko fan ne kabhī marne na diyā

gesu-e-hosh-o-matanat ko bikharne na diya

main ne chahat ko kabhi had se guzarne na diya

dar-ba-dar mujh ko liye phirti rahi fikr-e-maash

do ghaDi chain se ek dar pe Thaharne na diya

bas isi Dar se ki harf aae na tujh par hum ne

teri taswir ko aankhon mein ubharne na diya

KHud kabhi tum ne bhalai ka kiya kaam na kuchh

us pe ye zulm ki auron ko bhi karne na diya

rah mein kitne hi KHush-rang nazare the magar

mujh ko manzil ki tamanna ne Thaharne na diya

zinda rakkha hai har ek daur mein be-shak 'tabish'

ek fan-kar ko fan ne kabhi marne na diya