ghane arman gaDhi aarzu karne se milta hai

ghane armān gāḌhī aarzū karne se miltā hai

ḳhudā jaaḌe kī rātoñ meñ vuzū karne se miltā hai

havā kī dhun daraḳhtoñ kā suḳhan naġhme haiñ lekin fan

diloñ ke chaak meñ āñkheñ rafū karne se miltā hai

ḳhudā un ko shu.ūr-e-tishnagī detā to achchhā thā

inhīñ pyāsoñ meñ kyā shaġhl-e-subū karne se miltā hai

yaqīñ duniyā nahīñ kartī magar hai tajraba merā

sukūñ to but-kade meñ hāv-hū karne se miltā hai

badalte rañg zaḳhmoñ ke haiñ niile surḳh aur kaale

falak ko bhī ye gardish chār-sū karne se miltā hai

ufuq par qumqumoñ meñ qumqume zam hote jaate haiñ

maza āñkhoñ kā āñkheñ rū-ba-rū karne se miltā hai

ghane arman gaDhi aarzu karne se milta hai

KHuda jaDe ki raaton mein wuzu karne se milta hai

hawa ki dhun daraKHton ka suKHan naghme hain lekin fan

dilon ke chaak mein aankhen rafu karne se milta hai

KHuda un ko shuur-e-tishnagi deta to achchha tha

inhin pyason mein kya shaghl-e-subu karne se milta hai

yaqin duniya nahin karti magar hai tajraba mera

sukun to but-kade mein haw-hu karne se milta hai

badalte rang zaKHmon ke hain nile surKH aur kale

falak ko bhi ye gardish chaar-su karne se milta hai

ufuq par qumqumon mein qumqume zam hote jate hain

maza aankhon ka aankhen ru-ba-ru karne se milta hai