ghar ata kar makan se kya hasil

ghar atā kar makāñ se kyā hāsil

sirf vahm-o-gumāñ se kyā hāsil

be-yaqīnī hī be-yaqīnī hai

is zamīn-o-zamāñ se kyā hāsil

soch aage baḌhe to baat bane

sirf umr-e-ravāñ se kyā hāsil

dil bhī āsūda chāhiye varna

daulat-e-be-karāñ se kyā hāsil

ek chehra hai kā.enāt mirī

sūrat-e-dīgarāñ se kyā hāsil

jab ḳhushī ruuh kī na saath rahī

rāhat-e-jism-o-jāñ se kyā hāsil

dil meñ jab jins-e-ārzū hī nahīñ

sirf ḳhālī dukāñ se kyā hāsil

apne a.amāl ko bhī badlo 'adīl'

sirf āh-o-fuġhāñ se kyā hāsil

ghar ata kar makan se kya hasil

sirf wahm-o-guman se kya hasil

be-yaqini hi be-yaqini hai

is zamin-o-zaman se kya hasil

soch aage baDhe to baat bane

sirf umr-e-rawan se kya hasil

dil bhi aasuda chahiye warna

daulat-e-be-karan se kya hasil

ek chehra hai kaenat meri

surat-e-digaran se kya hasil

jab KHushi ruh ki na sath rahi

rahat-e-jism-o-jaan se kya hasil

dil mein jab jins-e-arzu hi nahin

sirf KHali dukan se kya hasil

apne aamal ko bhi badlo 'adil'

sirf aah-o-fughan se kya hasil