ghar ghar sada di ki hai gadai tere liye

ghar ghar sadā dī kī hai gadā.ī tire liye

aise bhī ham ne sah lī judā.ī tire liye

maujūd sab raheñge yahī naam ab yahāñ

patthar pe kī hai maiñ ne khudā.ī tire liye

farhād aur hī thā tire ashk meñ nihāñ

sāñsoñ kī ham ne kar dī vidā'ī tire liye

samjhoge jab uḌegī mirī ḳhaak qabr se

kyoñ 'ishq meñ kī jaan fidā.ī tire liye

tum ne hī rāstoñ meñ bahut moḌ rakh diye

kab kī thī ham ne shoḳh adaa.ī tire liye

jis harf meñ chhupī thī tire husn kī ramaq

vo lafz kī ziyā thī ridā.ī tire liye

'altāf' us ko maañg ke dekhā hai shauq se

kar legā kaun roz gadā.ī tire liye

ghar ghar sada di ki hai gadai tere liye

aise bhi hum ne sah li judai tere liye

maujud sab rahenge yahi nam ab yahan

patthar pe ki hai main ne khudai tere liye

farhad aur hi tha tere ashk mein nihan

sanson ki hum ne kar di wida'i tere liye

samjhoge jab uDegi meri KHak qabr se

kyon 'ishq mein ki jaan fidai tere liye

tum ne hi raston mein bahut moD rakh diye

kab ki thi hum ne shoKH adai tere liye

jis harf mein chhupi thi tere husn ki ramaq

wo lafz ki ziya thi ridai tere liye

'altaf' us ko mang ke dekha hai shauq se

kar lega kaun roz gadai tere liye