ghar hai to dar bhi hoga diwar bhi rahegi

ghar hai to dar bhī hogā dīvār bhī rahegī

zanjīr bhī hilegī jhankār bhī rahegī

tārīkiyoñ ke qalb-e-tārīk-tar meñ DhūñDo

ik sham.a māvarā-e-anvār bhī rahegī

behtar thā be-ruḳhī kā iz.hār yuuñ na hotā

maanā ki kuchh to vaj.h-e-inkār bhī rahegī

jis aañkh ko chhupā kar rakkhā hai har nazar se

vo nīm-vā bhī hogī bedār bhī rahegī

sahrā talab kā goyā maidān-e-karbalā hai

paañv meñ ret sar par talvār bhī rahegī

qurbat kī sā.atoñ meñ duurī kā ḳhauf hogā

saa.e se raushnī kī paikār bhī rahegī

zāhir hai sādgī bhī 'almās' ke suḳhan se

lekin ġhazal kī fitrat pur-kār bhī rahegī

ghar hai to dar bhi hoga diwar bhi rahegi

zanjir bhi hilegi jhankar bhi rahegi

tarikiyon ke qalb-e-tarik-tar mein DhunDo

ek shama mawara-e-anwar bhi rahegi

behtar tha be-ruKHi ka izhaar yun na hota

mana ki kuchh to wajh-e-inkar bhi rahegi

jis aankh ko chhupa kar rakkha hai har nazar se

wo nim-wa bhi hogi bedar bhi rahegi

sahra talab ka goya maidan-e-karbala hai

panw mein ret sar par talwar bhi rahegi

qurbat ki saaton mein duri ka KHauf hoga

sae se raushni ki paikar bhi rahegi

zahir hai sadgi bhi 'almas' ke suKHan se

lekin ghazal ki fitrat pur-kar bhi rahegi