ghar ka parda uTha raha hun main

ghar kā parda uThā rahā huuñ maiñ

is kā matlab ki aa rahā huuñ maiñ

shukriya bol aa ke tū mujh ko

naaz tere uThā rahā huuñ maiñ

aa bhī jaao ki vaqt mushkil hai

tum ko kab se bulā rahā huuñ maiñ

apnī mahfil meñ kar ke zikr tirā

apne dil ko jalā rahā huuñ maiñ

kyā kahūñ tere sab ḳhutūt ke saath

terā chehra bhulā rahā huuñ maiñ

merā ghar jis diye se jaltā thā

us diye ko bujhā rahā huuñ maiñ

tum ne jo bhī diye the ḳhat mujh ko

aaj vo sab jalā rahā huuñ maiñ

naam likkhā thā jis kā hāthoñ par

naam us kā miTā rahā huuñ maiñ

maiñ ne likkhī hai ḳhuun se 'haidar'

shā'irī jo sunā rahā huuñ maiñ

ghar ka parda uTha raha hun main

is ka matlab ki aa raha hun main

shukriya bol aa ke tu mujh ko

naz tere uTha raha hun main

aa bhi jao ki waqt mushkil hai

tum ko kab se bula raha hun main

apni mahfil mein kar ke zikr tera

apne dil ko jala raha hun main

kya kahun tere sab KHutut ke sath

tera chehra bhula raha hun main

mera ghar jis diye se jalta tha

us diye ko bujha raha hun main

tum ne jo bhi diye the KHat mujh ko

aaj wo sab jala raha hun main

nam likkha tha jis ka hathon par

nam us ka miTa raha hun main

main ne likkhi hai KHun se 'haidar'

sha'iri jo suna raha hun main