ghar ke darwaze khule hon chor ka khaTka na ho

ghar ke darvāze khule hoñ chor kā khaTkā na ho

be-sar-o-sāmān koī shahr meñ aisā na ho

tīrgī ke ġhaar se bāhar nikal kar bhī to dekh

us zamīñ kī kokh se sūraj koī niklā na ho

maiñ ki goyā bhī na ho paayā kisī dīvār se

rah gayā chup soch kar shāyad koī suntā na ho

dasht meñ jaane se pahle apne dil meñ jhāñk lo

ḳhūb-sūrat jism ke andar koī koī sahrā na ho

ehtiyātan dekh hī lo dam-ba-ḳhud kyuuñ rah ga.e

tum jise dīvār samjhe ho vo darvāza na ho

maiñ ki duniyā kī har ik shai meñ huā huuñ āshkār

dekh tere aa.ine meñ bhī mirā chehra na ho

moḌ haiñ har har qadam par kis se pūchheñ rāsta

phir rahā huuñ shahr meñ jaise koī dīvāna ho

ye akelā-pan to 'shāhid' shahr kā āshob hai

yā koī tanhā na ho yā har jagah vīrāna ho

ghar ke darwaze khule hon chor ka khaTka na ho

be-sar-o-saman koi shahr mein aisa na ho

tirgi ke ghaar se bahar nikal kar bhi to dekh

us zamin ki kokh se suraj koi nikla na ho

main ki goya bhi na ho paya kisi diwar se

rah gaya chup soch kar shayad koi sunta na ho

dasht mein jaane se pahle apne dil mein jhank lo

KHub-surat jism ke andar koi koi sahra na ho

ehtiyatan dekh hi lo dam-ba-KHud kyun rah gae

tum jise diwar samjhe ho wo darwaza na ho

main ki duniya ki har ek shai mein hua hun aashkar

dekh tere aaine mein bhi mera chehra na ho

moD hain har har qadam par kis se puchhen rasta

phir raha hun shahr mein jaise koi diwana ho

ye akela-pan to 'shahid' shahr ka aashob hai

ya koi tanha na ho ya har jagah virana ho