ghar ke fard apne ghar ko bhul gae

ghar ke fard apne ghar ko bhuul ga.e

ham-safar ham-safar ko bhuul ga.e

thī na pahchān kuchh bhī jin ke baġhair

log unhīñ bām-o-dar ko bhuul ga.e

bārhā ishq meñ fareb milā

bārhā dard-e-sar ko bhuul ga.e

turshiyoñ ko lagā ke muñh ham log

lutf-e-shīr-o-shakar ko bhuul ga.e

ġhair par munhasir hue jab ham

apne dast-e-hunar ko bhuul ga.e

pher meñ jab se pattharoñ ke paḌe

shīshagar shīshagar ko bhuul ga.e

nazroñ vaale bhī ho ga.e rū-posh

ham bhī ahl-e-nazar ko bhuul ga.e

ham se qurbat baḌhā ke taa.ir bhī

masraf-e-bāl-o-par ko bhuul ga.e

is qadar pech-o-ḳham mile ke 'nihāl'

ham rah-e-mo'tabar ko bhuul ga.e

ghar ke fard apne ghar ko bhul gae

ham-safar ham-safar ko bhul gae

thi na pahchan kuchh bhi jin ke baghair

log unhin baam-o-dar ko bhul gae

barha ishq mein fareb mila

barha dard-e-sar ko bhul gae

turshiyon ko laga ke munh hum log

lutf-e-shir-o-shakar ko bhul gae

ghair par munhasir hue jab hum

apne dast-e-hunar ko bhul gae

pher mein jab se pattharon ke paDe

shishagar shishagar ko bhul gae

nazron wale bhi ho gae ru-posh

hum bhi ahl-e-nazar ko bhul gae

hum se qurbat baDha ke tair bhi

masraf-e-baal-o-par ko bhul gae

is qadar pech-o-KHam mile ke 'nihaal'

hum rah-e-mo'tabar ko bhul gae