ghar ki diwar pe kyon likkha ki ghar Khaali hai

ghar kī dīvār pe kyoñ likkhā ki ghar ḳhālī hai

itnī vahshat se bharā hai ye kidhar ḳhālī hai

aap mahsūs na kar pā.eñge mere dukh ko

shaam hone ko hai aur saarā shajar ḳhālī hai

terī marzī hai tū chāhe to kare dil ābād

ik tire vāste ye bār-e-digar ḳhālī hai

maiñ ne ḳhuuñ se nahīñ ashkoñ se likhā thā vo ḳhat

is meñ likkhā to bahut kuchh thā magar ḳhālī hai

ab bhalā kaise paḌegī mire din meñ barkat

aap ke pyaar se jo merī sahar ḳhālī hai

koī jaatā hī nahīñ dasht siyāhat ke liye

ek muddat se to ye rāh-guzar ḳhālī hai

ghar kahāñ bantā hai ārā.ish-e-ashyā se 'asar'

jis meñ bahneñ nahīñ hotī haiñ vo ghar ḳhālī hai

ghar ki diwar pe kyon likkha ki ghar KHali hai

itni wahshat se bhara hai ye kidhar KHali hai

aap mahsus na kar paenge mere dukh ko

sham hone ko hai aur sara shajar KHali hai

teri marzi hai tu chahe to kare dil aabaad

ek tere waste ye bar-e-digar KHali hai

main ne KHun se nahin ashkon se likha tha wo KHat

is mein likkha to bahut kuchh tha magar KHali hai

ab bhala kaise paDegi mere din mein barkat

aap ke pyar se jo meri sahar KHali hai

koi jata hi nahin dasht siyahat ke liye

ek muddat se to ye rah-guzar KHali hai

ghar kahan banta hai aaraish-e-ashya se 'asar'

jis mein bahnen nahin hoti hain wo ghar KHali hai