ghar ki khiDki se bahar ke manzar ko Darte hue dekhna

ghar kī khiḌkī se bāhar ke manzar ko Darte hue dekhnā

guftugū kuchh ishāroñ se logoñ ko karte hue dekhnā

jāgnā ḳhauf-e-shab-ḳhūñ se sahme makīnoñ ko aur raat bhar

kuchh saroñ ko fasīloñ se uupar ubharte hue dekhnā

rābtoñ kā ta.attul muqaffal gharoñ kā muqaddar huā

ab to mushkil hai ik dūsre ko bhī marte hue dekhnā

sā.at-e-hijr meñ vasl ke pul kī mānind panchhī uḌeñ

kitnā ḳhush-kun hai in ko saroñ se guzarte hue dekhnā

jab use sochnā to kisī ḳhvāb raste ke pechāk se

dil kī samt us ko ziina ba ziina utarte hue dekhnā

ghar ki khiDki se bahar ke manzar ko Darte hue dekhna

guftugu kuchh ishaaron se logon ko karte hue dekhna

jagna KHauf-e-shab-KHun se sahme makinon ko aur raat bhar

kuchh saron ko fasilon se upar ubharte hue dekhna

rabton ka tattul muqaffal gharon ka muqaddar hua

ab to mushkil hai ek dusre ko bhi marte hue dekhna

saat-e-hijr mein wasl ke pul ki manind panchhi uDen

kitna KHush-kun hai in ko saron se guzarte hue dekhna

jab use sochna to kisi KHwab raste ke pechaak se

dil ki samt us ko zina ba zina utarte hue dekhna