ghar ko wapas ja rahe hain kar ke duniya ko salam

ghar ko vāpas jā rahe haiñ kar ke duniyā ko salām

qabr ke goshe meñ hogā mustaqil apnā qiyām

guftugū meñ kuchh na thā harza-sarā.ī ke sivā

log samjhe the agarche aadmī hai ḳhush-kalām

apne 'ālam meñ agarche ham bahut majbūr the

le rahī haiñ hasrateñ ḳhud zindagī se intiqām

kaaT dī jaisī kaTī shikva shikāyat kuchh nahīñ

'āqibat ke vāste garche nahīñ hai insirām

jo 'alālat meñ na de paa.e kabhī do ghūñT aab

kar rahe haiñ shauq se vo ġhusl kā ab intizām

hashr tak ārām se miTTī meñ niiñd aa jā.egī

gar du'ā meñ yaad rakkheñge yahāñ sab ḳhās-o-'ām

kārvāñ kyā kaisī manzil ḳhud 'ḳhizar' behosh haiñ

rāste meñ hai añdherā ho gayā qissa tamām

ghar ko wapas ja rahe hain kar ke duniya ko salam

qabr ke goshe mein hoga mustaqil apna qiyam

guftugu mein kuchh na tha harza-sarai ke siwa

log samjhe the agarche aadmi hai KHush-kalam

apne 'alam mein agarche hum bahut majbur the

le rahi hain hasraten KHud zindagi se intiqam

kaT di jaisi kaTi shikwa shikayat kuchh nahin

'aqibat ke waste garche nahin hai insiram

jo 'alalat mein na de pae kabhi do ghunT aab

kar rahe hain shauq se wo ghusl ka ab intizam

hashr tak aaram se miTTi mein nind aa jaegi

gar du'a mein yaad rakkhenge yahan sab KHas-o-'am

karwan kya kaisi manzil KHud 'KHizar' behosh hain

raste mein hai andhera ho gaya qissa tamam